2023 оны улаанбуудай, төмсний ургацын урьдчилсан мэдээ

2023 оны улаанбуудайн ургацын урьдчилсан мэдээ

  Монгол орны тариалан бүхий нутгуудаар үндэсний статистикийн хорооны 2023 оны 6 дугаар сарын 1-ний статистик тоон мэдээллээр 377.0 мянган га талбайд тариалалт хийснээс 280.0 мянган га-д буудай, 10.4 мянган га-д төмс,  59.8 мянган га-д техникийн ургамал,  үлдсэн талбайд хүнсний ногоо болон тэжээлийн ургамал тус тус тариалаад байна. Энэ нь өмнөх оны мөн үеэс нийт тариалсан талбай 3.5%-иар өссөн байна. Үүнээс улаанбуудай тариалсан талбай 7.6 мянган га буюу 2.6%-иар буурсан байна.

Ийнхүү энэ жилийн буудайн хаврын тариалалт, ургалтын байдал, энэ жилийн цаг агаарын нөхцлийн бодит болон цаашдын төлөвт үндэслэн буудайн ургацыг динамик–статистик загвараар урьдчилан тооцоо хийж үзэхэд:

• Сэлэнгийн Ерөө, Орхонтуул, Орхон, Өвөрхангайн Хархорин, Хөвсгөлийн Тариалан сумын тариалан бүхий нутгаар 8.8-10.0 ц/га
• Төвийн Эрдэнэсант, Угтаалцайдам, Сэлэнгийн Ерөө, Цагааннуур, Дархан-Уул аймгийн тариалан бүхий нутгаар 10.4 – 13.2 ц/га;
• Дорнодын Халхгол, Булганы Сэлэнгэ сумын тариалан бүхий нутгаар 15.2 ц/га-ээс дээш ургац авах төлөвтэй байна.

2023 оны төмсний ургацын урьдчилсан мэдээ

            2023 оны 6 дугаар сарын 1-ний үндэсний статистикийн хорооны мэдээгээр энэ жил 10.4 мянган га-д төмс тариалсан бөгөөд энэ нь өмнөх жилийн мөн үеийн тариалсан талбайгаас 1.3 мянган га-аар буюу 14%-иар өссөн байна.

Энэ жилийн төмсний хаврын тариалалт, ургалтын байдал, цаг агаарын нөхцлийн бодит болон цаашдын төлөвт үндэслэн төмсний ургацыг динамик–статистик загвараар урьдчилан тооцоо хийж үзэхэд:

• Ховд, Дархан-Уул, Булган аймгуудын тариалан бүхий нутгаар 105.0- 111.0 ц/га;
• Сэлэнгэ, Төв аймгийн тариалангийн бүс нутгаар  125.0 ц/га-аас их ургац авах төлөвтэй байна.  

Хөдөө аж ахуйн цаг уурын судалгааны хэлтэс, 321523